આજ થી મારા વગર ઘર માં સૂનકાર જેવું ભાસે છે

કાલે તો પાછા ફર્યા ફતેહ પછી
એક રાત જ વીતી ને
રણશિંગા ના રણકાર જેવું ભાસે છે

ચગચગતી તલવારો નીકળી પડી
મ્યાન માં થી જાણે
કોણ જાણે કેમ યુધ્ધ નાં ભણકાર જેવું ભાસે છે

કેટકેટલી લાશો નાં ઢગલા
નથી સુકાયા હજી રક્ત ના વહેણ
ફરી ફરીને વિનાશ ના હાહાકાર જેવું ભાસે છે

રાજકાજ ની નહી,અહીં પેટીયા ની ચિંતા
કેટલી સળગી નિર્દોષ ની ચિતા
ફરી થી આપત્તિ ના આવકાર જેવું ભાસે છે

હોમાયા ઘણાં કાળ નાં ખપ્પર માં
બની જાશું ક્યારેક અમે શહીદ
પણ આજ થી મારા વગર ઘર માં સૂનકાર જેવું ભાસે છે

$hY@m-શૂન્યમનસ્ક
તા ૨/૧૨/૦૮