તમે ક્યાં?

ધુંધળો ઓછાયો બની
પડછાયો ભાસે રોજ,
પણ તમે ક્યાં?

વાટ જોઇ ઘણી
એ જ તળાવ કાંઠે
સર્દ સાંજ ને ચાંદો,
પણ તમે ક્યાં?

કોતરે છે યાદો હૈયાને
યાદો તો આ આવી,
પણ તમે ક્યાં?

રિસાયો છું "શૂન્યમન્સક" બની
આ દુનિયા થી
હવે મનાવવા પણ તમે ક્યાં?

$hY@m-શૂન્યમનસ્ક
તા-૨૪/૧૧/૦૮

"કારનામું" અમારું કોઇ ને પુછી તો જુઓ

નયન નાં પાપણ બંધ કરી તો જુઓ
ઉર માં એક નજર કરી તો જુઓ
મુકામ જ ત્યાં છે અમારો તો
"સરનામું" અમારું કોઇ ને પુછી તો જુઓ

રંગો હમેંશા શ્વેત-શ્યામ ઘુંટાયા જીવનમાં
રહે કેમ શ્વેતરંગ, શ્યામ શ્વેત માં ભળીને?
ઓઢાડવા લખ્યું છે શ્યામ-રંગી કફન
"વસિયતનામું" અમારું કોઇ ને પુછી તો જુઓ

ખુશી નો એહસાસ નથી હવે તો
કે ના રહી દર્દ ની વ્યથા પણ
અસ્તિત્વ બનાવી લીધું અમે તો "શૂન્યમનસ્ક"
"કારનામું" અમારું કોઇ ને પુછી તો જુઓ

$hY@m-શૂન્યમનસ્ક
તા ૧૪/૧૧/૦૮

અથાગ રહેનારા મનોબળ ને આજે "કળતર" જેવું લાગે છે

ખરી પડેલાં પાંદડાઓ, સુકાયેલાં વૃક્ષો
વેરાન આડબીડ ની વચ્ચે
લીલું છમ હર્યું-ભર્યું ખેતર પણ
આજે "પડતર" જેવું લાગે છે

એક તાતણેં બંધાયેલાં સબંધો નો અંત પણ ઓચિંતો
કેટલી વાર ઘુંટવા ના સબંધો નાં એકડા
માનવી નું જીવન પણ હંમેશ ચાલતા "ભણતર" જેવું લાગે છે

ઉગતા સૂરજ ની પેઠે
ઉજ્જ્વળ મન માં દાવાનળ કેટલા સહ્યાં
અથાગ રહેનારા મનોબળ ને પણ આજે "કળતર" જેવું લાગે છે

વિહવળ હૈયા સહ
ચકા-ચોંધ રોશની ની લવચિકતા માં પણ
"શૂન્યમનસ્ક" આજે "જડતર" જેવું લાગે છે

$hY@m-શૂન્યમનસ્ક
૦૬/૧૧/૦૮

મન માં વિચારો નો ટ્રાફીક

જ્યાં જુઓ ત્યાં ટ્રાફીક

આજુ-બાજુ, આગળ પાછળ,
ચારેય દીશા એ ટ્રાફીક
જાય છે ક્યાં બધાં રોજ ?
કેમ આટલો બધો ટ્રાફીક

દુનિયા તો ખુબ મોટી હતી ને?
છતાં માણસો ની ભીડ નો ટ્રાફીક?

સરનામું પણ ભુલાઇ જાય
એવો મેદાનો પર મકાનો નો ટ્રાફીક?

મુક્ત મને ઊડતાં પંખીઓ પણ ફફડે છે
હવે તો નીલગગન માં પણ વિમાનો નો ટ્રાફીક?

ઝરણાં ઓ કાફી નોહતાં?
નદીઓ માં પણ દરીયા નાં પુર નો ટ્રાફીક?

આઇના ગમે તેટલાં હોય દુનિયા માં
સ્મૃતિપટ પર ચહેરાઓ નો ટ્રાફીક?

ટુંકી જીદંગી અને સુખ-દુખ ની કેટલી લાગણીઓ?
નાનાં અમથા મનડા માં કેટકેટલાં વિચારો નો ટ્રાફિક?

$hY@m-શૂન્યમનસ્ક
તાઃ ૨૦/૧૦/૦૮

મેં તો દીઠું એક ગોર નું ગાડું

મેં તો દીઠું એક ગોર નું ગાડું....

હોઠ રતુંબલ ઇ નાં ને જોબન જાણે પુનમ નું અજવાળું
આંખ્યુ ઇ ની કસુંબલ ને નાક ઇ નું સે અણીયાળું

એક દિ ગ્યો તો તળાવ ની પાળે ત્યાં દીઠું ઇ નજરાણું
માર્યો ભુસકો પુગી જાઉં કરતો ક ત્યાં તણાયું મારું ઠેપાડું

હોભંરી ઇ ની મીઠી વાતું મને ઇમ કે હશે ઇની પોંહે લાડુ
ઘર પછવાડે પુગી જ્યો ત્યાં તો ચેડે પડ્યું ઇ નાં ભાઇઓ નું ધાડું

ભાંગ્યા ઢેકા બાકી ના મેલ્યુ કશું ભાંગ્યુ હાર્યે દાંત નું ચાડું
યાદ કરી કરી ને હાલ સે એવા ખાવાનું ય રોજ થાય ટાઢું

ડોહાં-ડગરાં મરી ગ્યાં કૈ કૈ ને લ્યા સે આ તો માયા નું જાળું
વાત કોઇ ની નો મોની મેં તો, ફસાણો હવે કોઇ નથ કે'તું કે હાલ્ય તને બાર કાઢું

મેં તો દીઠું એક ગોર નું ગાડું....

$hY@m-શૂન્યમનસ્ક
તા ૧૭/૧૦/૦૮

હાસ્ય કાવ્ય

મિત્રો મારા અસ્સલ ગામડીયા મિજાજ માં એક હાસ્ય કાવ્ય રજુ કરું છું
અને તે મારા મિત્ર અજીતસિંહજી (બાપુ) ની પ્રેરણા થી કાંઇક
ચિતરામણ જેવું કર્યું છે

હોરી એ કરુ દિવારી,દિવારી મોં ગઉ ગરબા
તહેવાર અમારે હઉ હરખા,ઉજવીયે અમે ઓમ
લહેર પોણી ને ભજીયાં કાયમ અમારે ગોમ!!

મલક આખા હાર્યે ફાવતું હંધાય ને કરું સલોમ
આડા-ઉભા વોંકા-ત્રોંહા અવળા-હવળા
હંધાય બનો ભેરું મારા હઉ ને કરું રોમ-રોમ!!

ઉજવુ જનમદિવસ વરહ મોં બાર વાર
એટલા મન મોં સે જોમ
ગોમ આખું કેય હત-પતિયો બવ
પણ ઇ મ્હું જોણું ને મારાં કોમ !!

ચ્યારેક હોધું ઝમકુડીને ચ્યારેક હુઝે રમતુડીનું નોમ
કરી મોથાકુટ ને માર્યા હવાતિયાં દુનિયા આખી મોં
તોયે નો થયો હજીયે ઠરી-ઠોમ!!

પતંગ ઉડાડું કારીચૌદશે ને
અબીલ ને ગુલાલ ઉડાડું ખુશીઓ નાં બારેમાસ
કોઇ એ કશું કેવાનું નઇ "ગોમડીયો-શ્યોમ" સે મારું નોમ!!

$hY@m-શૂન્યમનસ્ક (ગામડીયો)
તા ૧૨/૧૦/૦૮

શબ્દો થી નહીં આજે "દિલ" થી કહું

મારા પરમ મિત્ર અરવિંદ પટેલ જેઓ ના જન્મદિવસ પ્રસંગે
એમનાં માટે પ્રથમ ચાર પકંતિ લખાયેલી
પછી થી એમાં ઉમેરતો ગયો અને એક સરસ રચના બની

શબ્દો થી તો સહુ કહે છે.
શબ્દો થી તો શું કહું ?
મિત્રતા એવી લાગણીભીની
ચાલો આજે તમને "દિલ" થી કહુ.

ચોતરફ અંધકાર જ દેખાયો છે
અંધકાર ની તો વાખ્યા શું કહું?
સોનેરી કિરણો બની આવ્યા તમે
ચાલો આજે તમને "ઉજાસ" કહું.

લાગતું કે જીદંગી હવે હતાશા છે
જીવન નાં એ દર્દો માટે તો શું કહું?
હસાવી દીધાં પળવાર માં તમે તો અમને
ચાલો આજે તમને "પ્રેરણા" કહું

દુનિયા તો આખી સ્વાર્થ થી ભરેલી છે
સ્વાર્થ ના સબંધો માટે તો શું કહું?
લાગણી નિઃસ્વાર્થ એવી તમારી
ચાલો આજે તમને "મિત્રતા" કહું

$hY@m-શૂન્યમનસ્ક
તા-૨૮/૦૯/૦૮

તમારી મરજી ની વાત છે

ભરાઇ આવે હૈયું ને લખાઇ જાય કાંઇક
તમે વાંચો ના વાંચો તમારી મરજી ની વાત છે

જોડયા છે તાર નિઃસ્વાર્થ સબંધો ના કાંઇક
તમે નિભાવો ના નિભાવો તમારી મરજી ની વાત છે

અમારા તો સ્મરણ માં જ રહો છો એવી લાગણીથી કાંઇક
તમે અમને યાદ કરો ના કરો તમારી મરજી ની વાત છે

રાહ જોઇ રહ્યાં છીયે જીવન નાં અંત સુધી કાંઇક
તમે આવો ના આવો તમારી મરજી ની વાત છે

$hY@m-શૂન્યમનસ્ક
તા-૨૮/૦૯/૦૮

લાગણી ભીના સબંધો હોય તો "શબ્દો" ની શી જરુર?

ગુજરાતી હાસ્ય લેખન કોમ્યુનિટીના આભારસહ
કોમ્યુનિટી નાં પ્રથમ ઇ-મેગેઝીન
"સાતત્ય-હાસ્ય અને વિચારો નું અમૃત"
માં પ્રકાશિત થયેલી એક રચના



પતંગીયુ બની ઉડે હૈયું ગગન માં
પછી પાંખો ની શી જરુર?

મન મક્કમ જો દરિયો તરવા
પછી વહાણ ની શૂ જરુર?

રેલાય જો અમ્રુત એક ઝાકળ તણા બુંદથી જ
તો સરોવર અને સરિતા ની શી જરુર?

ફુટે જો પાનખર માં પણ કુપણ
તો વસંતની શી જરુર?

લાગણીભીના સબંધો હોય
તો "શબ્દો" ની શી જરુર?

$hY@m-શૂન્યમનસ્ક
તા ૨૭/૦૯/૦૮

મન મારું આજે "શૂન્યમનસ્ક" કેમ થયી ગયું.

આ શું થયી ગયુ....?
એને જોતાં જ ઝાંઝવું અદ્ર્શ્ય થયી ગયું,

ગુલાબી સ્વપ્ન નું એક સ્મરણ..
દેખયા પહેલાં જ આંખ થી ઓઝલ થયી ગયું,

એક નજરે લાગ્યુ કે ઉગે છે પ્રભાત ...
પણ ના જાણે કેમ અચાનક અંધારું થયી ગયું,

વિચાર્યું હતું ફક્ત મન માં જ તેના વિશે..
પણ આ મન મારું આજે "શૂન્યમનસ્ક" કેમ થયી ગયું.

શ્યામ-શૂન્યમનસ્ક
તાઃ૦૨/૦૯/૦૮

શ્યામ તું બન..!!

જીવન માં પહેલી વાર આજે કાઈક લખાઇ ગયું
શ્રી ગીરીશ જોશીજી ના આભાર સહ


શ્યામ તું બન હું રાધા બની જાઉં .....આજે,
આપી દઉં તને મારા પંખ ને કલગી..

મોરલો તું બન તારી ઢેલ બની જાઉં..... આજે,
આપું હ્રદય ની વિશાળતા ને ઉંડાણ તને..

સમુદ્ર તું બન હું નદી બની જાઉં..... આજે,
આપુ લાલીમા ને ચમક મારા ઉર તણી..

સૂરજ તું બન હું અજવાળું બની જાઉ..... આજે,
આપું શીતળતા મારા પ્રેમ કેરી તને..

ચાંદલીયો તું બન તારી ચાંદની બની જાઉં..આજે,
આપ્યા મારા મુકુટ ને બંસરી તને..
કાનુડો તું બન હું રાધા બની જાઉં ...... આજે,

શ્યામ-શૂન્યમનસ્ક
તા ૨૮/૦૮/૦૮