ગઝલ મને મોકલજે.

લહેરાતા વાયરે

વસે શ્વાસો માં સુગંધ ને

હૈયું હરખી જાય

એવું કોઇ ફુલ મને મોકલજે.

વગર વિચારે મન માં

નામ તારું પડઘે ને

હું જ ખુદને ભુલી જાઉં

એવી કોઇ યાદ મને મોકલજે

સોબત નથી સાકી ની,

મહેફીલ થી દુર રહી ને,

સુધ-બુધ ના રહે

એવો કોઇ અમલ મને મોકલજે.

ઝંખના જીવન ની

જાગતી આંખે તું સેવે ને

વસી જાય મારી આંખે

એવું કોઇ સપનું મને મોકલજે.

લય લાગણી નો અમાપ

રોમ રોમ પસરે ને

અડકી જાય દિલ ને,

એવી કોઇ ગઝલ મને મોકલજે.

-શ્યામ શૂન્યમનસ્ક

તા- ૨૫/૦૧/૧૧