રંગ વિહિન કહે છે પાણીને, ઢાળો તો એના પણ આકાર છે,
નામ નથી રંગનું ફક્ત, નહી તો એનાય રંગો હજાર છે.
ભરેલા છે હૈયા માં નેહ, અખૂટ એટલા વિચાર છે,
ખુલતા નથી અધરો ફક્ત, નહી તો વાતો હજાર છે.
નજર કરીયે જ્યાં જ્યાં પણ, નઝારા ગજબ સાક્ષાતકાર છે,
ટકતા નથી કાયમ ફકત, નહીં તો અજાયબ હજાર છે.
અંતરનું લખેલું કલમનામુ, બાકી અહીતો ગઝલોની ય બજાર છે,
મળતો નથી મથું છું લખવા એક જ ફક્ત, નહી તો શબ્દો હજાર છે.
બાંધી દીધી એક હેત ની દોરી, તમને હ્રદય સુધીનો આવકાર છે,
છટકવું નથી "શૂન્યમનસ્ક" ફક્ત, નહીં તો બહાનાં હજાર છે.
અધર = હોઠ
-શ્યામ શૂન્યમનસ્ક
તા-૨૮/૦૨/૦૯
